Aquilee: la Basiliche patriarcjâl

Home Trois Troi Furlan Prime tape Aquilee Foto 1

Dedicade ae Mari di Diu e ai SS. Ermacore e Fortunât; Lungje e je la storie de Basiliche de sô fondazion a vuê, cheste e je stade costruide dal vescul Teodôr dopo l'Edit di Milan dal 313 d. di C.

Tornade a edificâ dal vescul Cromazi dopo di un probabil fûc, gnûfs lavôrs a son stâts fats intal IX sec. cul patriarcje Massenzi, dopo intal XI secul il patriarcje Popon, calcolât il “grant ricostrutôr” de Basiliche, al à fat fâ i mûrs perimetrâi, al à fat frescjâ la abside e al à fat tirâ sù il tor.

Intal XII sec. il patriarcje Volrì di Treffen al à fat frescjâ la cripte. Dopo dal disastrôs taramot dal 1348, il patriarcje Marcuart di Randeck al à fat tornâ a fâ dute la cuviertidure e il sofit di len.